Erraza da audientzia hunkitzea: futbolak ere lor lezake hainbeste, kulebroi batek edo dezibelioen gehiegikeriak lor dezaketen era berean. Homo sapiensa izaki hauskor eta zaurgarria baita; ez ditugu gure emozioak kontrolatzen. Benetan zaila dena, ordea, geure burua ezagutu eta aldatzera garamatzan hausnarketa estetiko baten bitartez ikuslea hunkitzea da. Horixe lortzen du, hain zuzen, Asier Zabaletak: emozioez haratago, eraldaketa kritiko baten irrika sortzea. Ardura sozialetik eta kezka intimoeta- tik abiatuta (sena, atabismoa, erlijioa, identitatea, mina, dolua, ikuskizunaren zergatia), gizakiak bere bereak ditu- en gatazkak eta kontraesanak eszenaratzen ditu, noiz zorrotz, noiz ironiaz, beti zehatz eta garden, sekula bidegurutzeetan galdu gabe. Amildegi ere badiren ertzak hatz –eta oin– puntekin ukituz. Lengoaia eszenikoa istorio edo hausnarketa sakon baten zerbitzura dago beti, eta dantzari gehitzen zaizkion arte diziplina ezberdinek –dela musika edo dela antzezpena- aberastu eta indartu egiten dituzte, bai koreografia, bai katarsira garamatzan bidea. Dantza, software libre bezala ulertua.

 

Hunkitzen garen hurrengo aldian zergatik hunkitzen garen jakin dezagun.

 

HARKAITZ CANO

Erraza da audientzia hunkitzea: futbolak ere lor lezake hainbeste, kulebroi batek edo dezibelioen gehiegikeriak lor dezaketen era berean. Homo sapiensa izaki hauskor eta zaurgarria baita; ez ditugu gure emozioak kontrolatzen. Benetan zaila dena, ordea, geure burua ezagutu eta aldatzera garamatzan hausnarketa estetiko baten bitartez ikuslea hunkitzea da. Horixe lortzen du, hain zuzen, Asier Zabaletak: emozioez haratago, eraldaketa kritiko baten irrika sortzea. Ardura sozialetik eta kezka intimoeta- tik abiatuta (sena, atabismoa, erlijioa, identitatea, mina, dolua, ikuskizunaren zergatia), gizakiak bere bereak ditu- en gatazkak eta kontraesanak eszenaratzen ditu, noiz zorrotz, noiz ironiaz, beti zehatz eta garden, sekula bidegurutzeetan galdu gabe. Amildegi ere badiren ertzak hatz –eta oin– puntekin ukituz. Lengoaia eszenikoa istorio edo hausnarketa sakon baten zerbitzura dago beti, eta dantzari gehitzen zaizkion arte diziplina ezberdinek –dela musika edo dela antzezpena- aberastu eta indartu egiten dituzte, bai koreografia, bai katarsira garamatzan bidea. Dantza, software libre bezala ulertua.

 

Hunkitzen garen hurrengo aldian zergatik hunkitzen garen jakin dezagun.

 

HARKAITZ CANO

ERTZA, 2004. urtean sortu zen Asier Zabaleta (Ezkio, Gipuzkoa 1.972) dantzari eta koreografoaren zuzendaritzapean, artearen diziplina anitzak dantza gaikidearekin nahastuz, sorkuntza ezberdinak sustatzeko helburuarekin.

 

ERTZA-k bere ikuskizunekin, gizaki eta gizartearen kontraesanen inguruan galderak plazaratu nahi ditu, eta espazio publikoetarako, nahiz aretoetarako sorturiko produkzioen bitartez, ikusle berriak bilatu.

 

Sortu zenetik, ERTZA-k ondorengo herrialdeetan erakutsi ditu bere lanak: Txina, Filipinak, Brasil, Peru, Costa Rica, El Salvador, Mexico, Israel, Errusia, Lituania, Luxemburgo, Suitza, Alemania, Frantzia, Italia, Grezia, Polonia, Portugal eta Espainia.

 

Sorkuntza arloan eginiko lanez haratago, ERTZA-k hainbat formakuntza eta sentsibilizazio proiektu jarri ditu martxan.

 

ASIER ZABALETAK ONDORENGO HERRIETAN EMAN DITU SORKUNTZA IKASTAROAK:

 

Geneba (Suitza), Manila (Filipinak), Salvador de Bahía (Brasil), Belo Horizonte (Brasil), Porto Alegre (Brasil), Ipatinga (Brasil), Recife (Brasil), Heredia (Costa Rica), Chelyabinsk (Errusia), San Luis Potosi (Mexiko), Baiona (Iparralde), Maspalomas (Gran Canaria), Sevilla, Burgos, Madrid, Donostia eta Bilbao.

 

ONDORENGO HERRIETAN EGIN DITU EGOITZA ARTISTIKOAK:

 

Baiona eta Biarritz (Iparralde), Salvador de Bahía eta Belo Horizonte (Brasil), Chelyabinsk (Errusia), Burgos (Espainia), Donostia eta Bilbao.

– Gran Canaria-ko 10MASDANZA jaialdian bakarlanen 1.Saria, “EGO” lanarekin.
“XXII Certamen Coreográfico de Madrid”-en 3 Sari: “Centro Coreográfico Galego”-n egoitza artistikoa. Biretarako laguntza eta Dantzari onenari (Eneko Gil) Fundación AISGE saria.
– 2.010 Errusiako “Chelyabinsk” estatuan Koreografia Garaikide arloan 1. Saria eta Errusiako Urrezko Maskara sarietan bi izendapen: Dantza Garaikide ekoizpen onena eta Koreografo onena “Next in line” lanarekin.
– Euskadiko lan onenari saria, Leioako 2013 UMORE AZOKA jaialdian, “4X4” ikuskizunarekin.
Ibilbide artistikoari saria. Gipuzkoako Dantza Profesionalen Elkartearen eskutik XIII Dantza Sarietan.